Imyigaragambyo mumurwa mukuru wa kongo “kinshasa”

Mu mujyi wa Kinshasa, muri Repubulika Iharanira Demokarasi ya Kongo, hamaze iminsi haba imyigaragambyo ikomeye. Abigaragambya bagaragaza uburakari ku bw’ibikorwa by’ingabo za M23 mu burasirazuba bw’igihugu, bashinja leta ya Perezida Félix Tshisekedi kunanirwa guhangana n’iki kibazo. Iyi myigaragambyo yatumye amaduka menshi n’ibindi bikorwa by’ubucuruzi bifunga imiryango kubera impungenge z’umutekano.

Ku wa 28 mukwambere 2025, ishyirahamwe ry’urubyiruko LUCHA ryateguye imyigaragambyo imbere y’ibiro bya Perezida, risaba ko hagira igikorwa ku kibazo cya M23. Abigaragambya bari bitwaje ibyapa byamagana ubutegetsi, bavuga ko bwabeshye ku bijyanye no guhangana n’umutwe wa M23.

Iyi myigaragambyo yatumye ibikorwa byinshi by’ubucuruzi bifunga, cyane cyane mu duce twa Avenue du Commerce muri komini ya Gombe na Boulevard du 30 Juin. Abacuruzi bahisemo gufunga amaduka yabo kubera ubwoba bwo gusahurwa no kwifatanya n’abigaragambya.

Leta ya Kongo yamaganye ibikorwa by’urugomo byabaye muri iyi myigaragambyo, ivuga ko hagiye gukorwa iperereza kugira ngo ababigizemo uruhare babiryozwe. Yibukije ko abadipolomate b’amahanga n’abakozi ba MONUSCO, hamwe n’ibikorwa byabo n’imodoka, badakwiye kwibasirwa.

Iyi myigaragambyo ikomeje kugaragaza umwuka mubi mu murwa mukuru wa Kongo, aho abaturage basaba ko hagira igikorwa ku kibazo cy’umutekano mu burasirazuba bw’igihugu. Gusa abaturage bari mumugi wagoma bakomeje kugaragaza ibyishimo kungabo za M23 kubwo kubaha umutekano bagahagarika urugomo bakorerwaga na wazalendo ndetse ningabo za leta nyirizina.