Imikino: zone Imaze kubura abakinnyi barenga 10

Mu gihe Zone FC ikomeje kwitegura umwaka w’imikino wa 2024-2025, hafashwe icyemezo gikomeye cyo kwirukana abakinnyi b’ingenzi bari bamaze igihe kinini bayikinira. Abakinnyi nka Frank uzwi nka Special Force, Leno (umunyezamu), Nshize Pro, Gerard, Fred, n’abandi, bose batakiri mu ikipe nyuma y’icyemezo cy’ubuyobozi.

Ibyo kwirukanwa kw’aba bakinnyi bifitanye isano n’impamvu zitandukanye. Bamwe birukanywe kubera imyitwarire mibi itari ikijyanye n’indangagaciro z’ikipe, mu gihe abandi byatewe no kutishyura umusanzu w’ikipe, icyemezo cyatowe mu rwego rwo kubahiriza politiki y’ikipe ku misanzu. Hari kandi abandi bakinnyi birukanwe kubera kutishimira kutabona umwanya wo gukina, bikavugwa ko bivumbuye nyuma yo kumva ko batari guhabwa amahirwe yo kwigaragaza ku kibuga.

Zone FC, ikipe imaze gukora amateka akomeye itsinda amakipe akomeye mu Rwanda, yifuje gukomeza kwimakaza umuco w’ubunyamwuga no gukemura ibibazo by’imiyoborere mu rwego rwo kwitegura neza umwaka mushya w’imikino.

Nubwo twagerageje kuvugana n’ubuyobozi bw’ikipe kugira ngo badusobanurire birambuye ku byemezo byafashwe, ntabwo bashoboye kutwitaba kuri telefone.