Igitaramo “EJO NIHEZA MULENGE” Gitegerejwe muri Phoenix, Arizona ku Itariki ya 1 Ukuboza 2024

Umuhanzi Aime Frank ari gutegura igitaramo gikomeye yise “EJO NIHEZA MULENGE,” kizabera muri Phoenix, Arizona ku itariki ya 1 Ukuboza 2024, guhera saa kumi z’umugoroba (4 PM). Iki gitaramo kizabera ahitwa 15220 N 39th Ave, Phoenix, AZ 85053. Ni igikorwa gifite insanganyamatsiko ishingiye ku murongo wo muri Bibiliya muri Nehemiya 2:17, ugira uti: “Murebe ko tumerewe nabi! Nimwiyemeze dufatanye kubaka ngo dusane igihugu cyacu.”

Intego Nyamukuru y’Igitaramo

Igitaramo “Ejo Niheza Mulenge” gifite intego yo guhuza abantu ngo basangire umwanya wo kuramya no guhumuriza abababaye, ariko by’umwihariko, gifite intego yo gukusanya inkunga yo gufasha abana bakeneye ubufasha mu muryango. Hashingiwe ku murongo wo muri Nehemiya, iki gikorwa kigamije gufasha mu bikorwa byo guteza imbere imibereho y’abana n’abagishakisha uburyo bwo kubaho neza mu buryo burambye.

Abahanzi Bazitabira.

Iki gitaramo kizaba kirimo abahanzi bakomeye kandi b’ubuhanga bazaririmba indirimbo zihumuriza ndetse zinshimangira ukwizera n’ukwishimira ubuzima. Jacques na kamariza, abahanzi bazwi cyane mu ndirimbo zo kuramya no guhimbaza Imana, ni bamwe mu bazitabira iki gitaramo. Uko aba bahanzi bazafatanya n’abitabiriye iki gikorwa, bizaba umwanya mwiza wo kwiyubaka no gukomeza umutima w’ubumwe.

Ibiciro byo Kwinjira.

Kwinjira muri iki gitaramo ni amadorari $25 ku myanya y’icyubahiro, mu gihe abanyeshuri bo bazishyura amadorari $15. Iki giciro cyashyizweho mu rwego rwo kugira ngo buri wese ashobore kwitabira, cyane cyane urubyiruko ruhura n’ibibazo bitandukanye mu buzima. Amafaranga azakusanywa muri iki gitaramo azakoreshwa mu bikorwa byo gufasha abana bo mu muryango, kugira ngo babeho neza kandi babashe kubona ibyo bakeneye by’ibanze mu mibereho yabo.

Ubutumwa Buri Nyuma y’Igitaramo.

Igitaramo “Ejo Niheza Mulenge” ni umwanya wo guhuriza hamwe abantu batandukanye kugira ngo baramye, bishimane kandi baganire ku bibazo byugarije umuryango. Aime Frank n’abandi bategura iki gitaramo bashishikajwe no gutanga umusanzu wabo mu gufasha abana bugarijwe n’ubuzima bugoye. Binyuze muri iki gikorwa, abantu bazaba bafite umwanya wo kwerekana urukundo n’ubufatanye, bagaharanira kubaka ejo heza h’abana bakiri bato.