James na Daniella bateguye igitaramo gikomeye i Seattle

Abahanzi bakunzwe mu muziki wo kuramya Imana, James na Daniella, batangaje igitaramo ku itariki ya 24 Ugushyingo 2024 i Seattle, Washington. Iki gitaramo, cyiswe 2024 Mega Worship Specials, kizahuza abakunzi b’indirimbo zihimbaza Imana baturutse impande zitandukanye.

James na Daniella bazwiho ubutumwa bukora ku mitima binyuze mu bihangano byabo by’ubutumwa bw’urukundo no kwiyegereza Imana. Mu butumwa bageneye abakunzi babo, bavuze ko bategereje kuzabonana nabo kugira ngo basangire ibyishimo byo kuramya Imana.

Aho Igitaramo Kizabera

Igitaramo kizabera ku rusengero rwa Belpres New Hope Revival, kuri 1717 Bellevue Way NE, Bellevue, WA 98004. Kwinjira ni ubuntu, kandi abitabiriye bazahabwa umwanya wo kwifatanya n’abandi mu mwuka w’ibyishimo no guhimbaza Imana.