M23 Yafunguye Ingendo zo mu Kiyaga cya Kivu

Nyuma yo gufata umujyi wa Bukavu ku itariki ya 16 zukwakabiri 2025, umutwe wa M23 watangaje ko ingendo zo mu mazi hagati ya Bukavu na Goma zongeye gukorwa. Ibi byabaye ku wa 18 zukwakabiri 2025, nyuma y’igihe izo ngendo zarahagaze kubera imirwano yari muri Kivu y’Amajyepfo.

M23 yatangaje ko iki cyemezo kigamije gufasha ubucuruzi n’imigenderanire hagati y’iyi mijyi ibiri ikomeye mu burasirazuba bwa RDC. Abaturage bishimiye iyi ntambwe, bavuga ko izoroshya ubwikorezi bw’ibicuruzwa n’abagenzi bari baragizweho ingaruka n’umutekano muke.

Uyu mutwe kandi wakomeje gutangaza ko uzakomeza kugenzura umutekano w’ahaciye izi ngendo, kugira ngo abacuruzi n’abaturage bakomeze ibikorwa byabo nta kibazo. Iyi ni indi ntambwe ikomeye M23 yateye mu gukomeza kugenzura Kivu y’Amajyepfo no kugaragaza imbaraga zayo mu burasirazuba bwa Congo.