Prosper Nkomezi Yakoze Ubukwe mu Ibanga numudiyasipora

Amakuru yizewe yemeza ko umuhanzi wa gospel Prosper Nkomezi yamaze gukora ubukwe mu ibanga rikomeye n’umukunzi we.

Bivugwa ko aba bombi bamaze gusezerana mu mategeko, naho umuhango wo gusezerana imbere y’Imana uteganyijwe mu minsi ya vuba. Nubwo uyu muhanzi atigeze ahita atangaza aya makuru mu ruhame, inshuti ze za hafi zemeza ko ubu ari umugabo wubatse kandi ko ahugiye mu myiteguro yo gusezerana mu rusengero.

Ubukwe bwabaye mu ibanga

Prosper Nkomezi, uzwi cyane mu ndirimbo nka Sinzahwema na Ibasha Gukora, yahisemo gukora ubukwe mu buryo bwitonze, bwitabiriwe n’abantu bake bo mu miryango ye ndetse n’inshuti ze za hafi.

Umukunzi we ni muntu ki?

Nubwo amazina ye tutifuje kuyatangaza, amakuru avuga ko umugeni we ari umukobwa usanzwe ukunda Imana, kandi ufite intego imwe na Prosper Nkomezi yo gukomeza umurimo w’Imana.

Gusezerana mu rusengero biri hafi

Nyuma yo gusezerana mu mategeko, amakuru yizewe avuga ko umuhango wo gusezerana imbere y’Imana uri gutegurwa kandi ushobora kuba vuba aha. Amatariki y’uyu muhango ntaratangazwa, ariko abakunzi be biteze ko bizaba mu mezi ari imbere.

Ibi bivuze ko Prosper Nkomezi yinjiye mu cyiciro gishya cy’ubuzima, ndetse abakunzi be bakomeje kumwifuriza ishya n’ihirwe muri uru rugendo rushya rwo kubaka urugo.