General Rwivanga Yamaganye Ubushotoranyi bwa FARDC, Anizeza Kurinda Umutekano wabanyarwanda

Ku wa 27 Mukwambere 2025, amakuru arebana n’umutekano mu karere ka Rubavu yagaragaje ko abaturage 5 bahasize ubuzima nyuma yo kuraswa n’ibisasu byarashwe na FARDC (ingabo za Congo) hamwe na FDLR ku itariki ya mbere y’iki cyumweru. Brigadier General Ronald Rwivanga, umuvugizi w’ingabo z’u Rwanda (RDF), yatangaje ko abantu 35 bakomeretse kandi ko bari kwitabwaho mu mavuriro atandukanye.

Gen. Rwivanga yihanganishije imiryango y’ababuze ababo ndetse ashimangira ko Ingabo z’u Rwanda zifatanyije n’abaturage mu guhangana n’ibi bikorwa by’ubushotoranyi. Yanabijeje ko umutekano w’igihugu ugenzurwa neza kandi ko RDF izakomeza inshingano zayo zo kurinda imbibi z’igihugu no gukumira ibyahungabanya abaturage.

Ku rwego rw’igihugu, u Rwanda rukomeje gushyira imbere umutekano w’abaturage ndetse rukerekana ubushake bwo gukemura ibibazo mu nzira y’amahoro, mu gihe rukomeje kurinda ubusugire bwarwo no guharanira ko ibyabaye bitazongera kubaho.